Винаријата Јовески е мала Garage винарска визба, сместена во срцето на селото Горно Соње. Тука, во ова село на јужната страна на скопската планина Водно, семејството Јовески, порано Поп Крстеви, влече корени веќе со генерации. Во сеќавањата на најстарите жители, семејството Поп Крстеви отсекогаш освен што се занимавало со сточарството, произведувало и вино. Падина, Кушица, Слатина ….надалеку чуен вински атар околу Горно Соње. Јовески само ја продолжуваат традицијата, па се раѓа идејата и желбата, долгогодишната традиција, виното служено на домашни слави, свадби и седенки, да се понуди и пошироко на македонските трпези. 
Виното на Поп Крстеви, пренесува еден мал фрагмент од историјата, испреплетени со него и приказните на Поп Крстеви и Јовески како сточари, учители, попови и столари.